Ek’s jammer almal
Ek’t die ding geërf
Wat anders kon ek doen?
My pa’t gesê,
Gewaarsku eintlik
Hy sê, ‘jy kan die ding nie skiet nie kind, hy trek die hele wa’
En ‘ek’s jammer’
‘Momentum is ‘n bliksem’ sê hy
Insig is nie ‘n speelding nie
Nou hol die wa voor die os
voor ons.
Almal. Lankal mal.
‘Skiet hom,’ skreeu die banges
‘Nee’ skreeu die rykes
‘God’ skreeu die gemeente
‘Kyk my kat’ skreeu Facebook
Toe vergiftig ek dit maar,
maar net liggies (ek dink?)
Net so voor dit wou vrek.
Ek’s jammer almal
ek’t die ding geërf.
Ek wou dit ne…
maar ek konnie.
