Gemaklike skoene en gepermde hare 2

Hanno en Henk Pretorius. Tannie Meraai het nog swaar gesluk aan haar vierde Prozac vir die dag toe’s die tweetjies al op honeymoon. 

Ek weet nie wie’t wie gemoon nie, maar hulle is sak en pak in die afslaandak met 80 kilogram Country Road, twee ontwerpers sonbrille en Madonna se hele discography af Kaapstad toe. Tannie Meraai het die Prozac begin van onder af neem, want ná die gedoente het sy onophoudelik begin opgooi en kan niks anders as die Rum en toast inhou nie.

Maande later breek daar mense by die plaashuis in en steel haar enigste foto album van haar straight skoonseun, haar Glomail teflon braaipan, al die tuin dwergies, ’n asbes verwarmer en ’n Arzberg teestel. Ek dank die Here vir rowers met swak smaak. 

So haak haar kop uit na die sesde pil en sy pluk die haelgeweer uit en hardloop soos Eileen Vornos op National Coming Out Day rond en soek die misdadiger. Die dwergies was nog nie die plaashek uit nie, toe slaan sy die stadige een met die heater op die kop met die kolf teen die wang en hou die res met die loop op die grond.

Sy begin skree soos ’n dragtige kat met oggend siekte, toe pluk een van die werkers sy selfoon uit, skel die 112-I’m-on-teabreak-suster aan die anderkant iets van Madam white… Me black… gun… apartheid… box matches… and half loaf. Twee minute later staan daar ’n oorgewig blou blur op met ’n boksie vuurhoutjies, ’n half gevrete brood en twee stelle boeie in sy hand.

Tannie en Oom Meraai word daai nag in die tronk gegooi en sy tel onttrekking simptome, dubbele long ontsteking en ’n STD op. 

Oom Meraai het vir die volgende twee weke moeilik gesit. Tannie Meraai is die volgende oggend met ’n moerse smile daar uitgebail deur Marilize en haar Vriendin-wat-nie-kan-hare-perm nie. Oom Meraai is toe dokter toe, want die pyn in sy stoel het onuithoudbaar geraak, die ontvangsdame het gesê hy moet net ontklee en op sy maag gaan lê, Dokter Pretorius gaan nou daar wees. So gemaak kom Hanno die kamer binne geloop en vra, “was Oom nog ’n maagd?”

Die storie het die dorp rondgelê, Oom Meraai moes ’n rubber rektum kry en Tannie Meraai het aanhou kos aandra vir die gevangenisse. 

Marilize en haar Vriendin-wat-nie-kan-hare-perm nie het gaan kampgoed koop by Cape Union Mart en ek dink by myself, ja, dit kom nou van skinner. Kyk wie is nou aan die verkeerde kant van ’n bakhand.

Kyk bietjie rond...

A tiny love story written at 17:15

I was feeling rather overwhelmed; this was before the word became trendier that OCD and everyone suffered from it. Sitting down on

Loulierblare en Skoonfamilie

Martie het eendag, toe ons daar in haar winkel gesit en tee drink het, ‘n onskuldige opmerking gemaak wat die satan in